小說：霧裡看「花」
作者：布衣碩子
第四十九回
「變幻原是永恆」之——「既得利益者」與「未得利益者」
“
嗰日（8月31日）人大常委會一錘定音，圈定了二○一七年香港普選特首的框框。
令到香港嘅政情又有新嘅發展。
這邊廂，支持佔中運動嘅學生開始罷課（9.22.）；
那邊廂，習主席喺北京（9.22.）會見咗「香港工商專業界知名人士訪京團」。
咁樣嘅環境，又係意味著乜嘢吖？”
精叻鼠問記者貓。
“《漢書》上有句話叫做：「民以食為天」。”
記者貓接著精叻鼠嘅話題繼續講落去。
“「政治」同「食」又有關係？”精叻鼠有啲唔明。
“
梗係有喇，而且仲好大添噃。”記者貓飲咗啖水接著講：
“
首先，食飯係咪要錢先？”
“
係呀。”
“
咁，要錢係咪要去搵先有的使吖？”
“
又係噃。”
“
咁，所以「香港工商專業界知名人士訪京團」咪就係要上京嘍。”
“上京做乜吖？”
“
話畀北大人聽：香港嘅營商環境開始變差。”
“
咁，我知道嘞。嗰班有錢佬驚佢哋啲「既得利益」受損。”精叻鼠恍然大悟地說。
“
講得有道理。咁，你又知唔知到班大學生，又為咗乜罷課吖？”
“咪就係香港回歸依十七年嚟
，社會仲有好多民生問題仲未得到解決囖。
好似，樓價貴、上樓難；年輕人晉升機會少，做文職人工又奀。想人工高就要去當差，
又或者做扎鐵佬。佢哋係「未得利益者」一族，有時我都幾同情佢哋㗎。”
精叻鼠接著講。
“
呀！諗唔到你同佢哋起咗個咁嘅名（「未得利益者」）都幾「盞鬼」個噃
……”
“
使乜講！既然有「既得利益者」，就梗係有「未得利益者」㗎啦，
每件事物都有兩面㗎嘛，而且，仲係相對嘅添。
言歸正傳，究竟今時今日咁樣嘅環境，又係意味著乜嘢啫？你都仲未答我。”
精叻鼠顯得有啲不耐煩。
“
問題當然唔止咁簡單喇，仲有一班人叫「未盡得益者」一族添噃，第日戰講畀你知啦……”
