10.18.-——一位香港市民的真情表白
今天係9.28.，想寫啲開心嘅嘢，就係寫唔出嚟。
金鐘、中環，人潮洶湧，催淚彈煙霧迷漫，香港學生同市民與香港警察對峙，奮身抵抗，
一個被撕裂嘅香港呈現眼前，這一刻令我感覺那麼的陌生。 依個係我哋嘅家嗎？
前一天夜半，睇罷課學生喺政總示威，睇著睇著，佔領中環嘅行動就開始了，
這是誰都不想到的，但卻被權力與傲慢、愚蠢與偏見逼出來了。
「開弓沒有回頭箭」，即使原本可以消於雛形，好商好量可以解決嘅事情，
到咗依一步，也就無話可說了。
時至今日，事到如此，
睇著硝煙喺香港升起，睇著香港人喺瀰漫嘅煙霧中奔走，唔使講我哋小市民，
就係執行任務嘅警員，心裏也一定唔好受。
都係熱愛香港嘅人呀，有誰想見到這麼美麗的城市變成咁樣！
示威嘅香港人不想，執行任務嘅警察也不想，有一個示威嘅女孩喺記者鏡頭前哭訴：
我哋係一家人吖！一位坐着輪椅嘅市民嚟到現場，記者問佢擔唔擔心自己嘅安全，佢講，
唔擔心，但係傷心，香港變成樣。
然後佢流下了眼淚。看到依一幕，熱愛這個城市的人，誰能不傷心？誰能不嘆息？
夜幕之中，警隊防暴隊戴着防毒面具列隊向前推進，
站喺佢哋面前嘅學生高舉著雙手釋放著和平的信息，帶著哭聲向佢們呼喊：
你哋也是香港人呀！催淚彈的白色煙霧喺佢哋身後瀰漫開，此情此景，不禁令人心碎……
