小說：霧裡看「花」作者：布衣碩子
第五十五回
「變幻原是永恆」之——「一方水土養一方人」
“
成日聽人講，新加坡點好點好，又咪係專制國家一名。喺過去40幾年，
人民行動黨一直係唯一嘅執政黨。”
精叻鼠攞住個水罇喺手揚下揚下咁講：
“
喂，畀乜嘢刺激成咁吖？不過佢嘅經濟又係搞得幾好個喎。”
記者貓放低手上支筆再繼續講：
“
自從新加坡脫離馬來西亞之後，一直在實行計劃經濟，
過去，甚至連大學生嘅婚姻都係由政府一手包辦嘅。
直到今天，喺新加坡人眼中，
由如父母官一樣嘅官員為自己安排一切，已經習已為常，佢哋亦樂於接受；
喺咁樣嘅模式之下，當地嘅大學生畢業之後，就可以享有政府給佢哋安排嘅，
寬敞、舒適嘅公屋，也許新加坡人已經將這一切安排視作權利了。”
“ 你又唔講言論自由方面。據我所知，喺新加坡獨立之後就一直控制自由言論。
一直以來，佢被「無國界記者」組織標示為無新聞自由國家。
此外，個人或民間組織也禁止自行安裝衛星天線，政府也對部分網絡進行管制。”
精叻鼠用條真絲手帕抹咗抹嘴角又接著講：
“
仲有吖，新加坡當局對於一切集會活動都好關注㗎，
達到一定人數嘅戶外集會都必須向警方備案。
佢嘅內部安全局嘅權力亦好大㗎，殖民地時期保留下嚟嘅內部安全法，
授權政府可在必要時無限期，拘留任何懷疑對種族和諧，對社會穩定造成威脅嘅人，
並可在不經審訊嘅情況下扣押多年。”
“你話嘞，咁樣嘅待遇究竟係「福利」定係「權利」？
係好，定係唔好呢？事實上，新加坡嘅經濟真係畀香港好喎！”
記者貓反問精叻鼠。
“咁又係嘅，唔同嘅社會，都會有唔同嘅解讀㗎嘛。
正所謂：「一方水土養一方人」，係冇所謂對與錯、啱同唔啱之分嘅。
只不過係觀點與角度、立場同態度嘅唔同啫......”
精叻鼠答。
“
例如：去年有個由易普索市場調查公司進行嘅調查：共訪問咗近二千四百名，
年齡喺十八至五十歲之間嘅亞洲人
（包括：新加坡、馬來西亞、香港、南韓以及中國五個地方）。
結果發現，八十三個巴仙嘅亞洲人表示自己屬於「頗開心的」或「非常開心的」一類，
只有十五個巴仙以及兩巴仙嘅受訪者認為自己屬於「不開心的」或「非常不開心的」一類。
最多人開心嘅地區排名分別係：
馬來西亞第一（90%表示開心）；
其次是中國（86%表示開心）；
第三位係新加坡（81%表示開心）；
香港則排行第四（79%表示開心）；
包尾嘅係南韓人（只有78%表示開心）……”
精叻鼠繼續補充說。
“
吖！真不愧為「賽先生」（science）喎……”
