第五十一回
「變幻原是永恆」之——「未盡得益者」
話說，喺第四十九回
「變幻原是永恆」之——
「既得利益者」與「未得利益者」篇，記者貓講咗個新名詞
“「未盡得益者」一族
”，然後賣咗個關子冇再講落去。
今日趁得閒，佢又攞番出嚟講嘍噃：
“
據資料顯示，香港嘅中產階層係一個典型嘅
「付出多，得到少」嘅階層，我畀個名佢叫做
‘「未盡得益者」一族
’。 ”
“
咁又，點樣「未盡得益」法吖？”
精叻鼠雙手托著個腮問。
“
例如，喺香港有超過360萬嘅打工仔，
其中有60%嘅人係唔使交個人收入所得稅嘅。
而要納稅嘅37%嘅人當中，卻大部分都係中產一族。
仲有吖，香港大約有10%嘅最低收入家庭享受緊公援金，
又有30%嘅中低收入住戶享受緊政府嘅廉租屋。
而中產一族嘅收入啱啱超標，結果住房供樓只能靠自己雙手打拼嚟搞掂，
即係話，係住屋方面完全冇得到政府嘅任何幫助。
咁，你話係咪‘「未盡得益者」一族
’ 吖？”
“咁，個名又真係講得幾啱嘅。”
精叻鼠松開雙手望著問記者貓講。
“仲有吖，‘「未盡得益者」一族
’喺社會所佔嘅百分比，
係一個指標性數字嚟㗎。佢喺社會問題研究方面，
係一個重要嘅參考性數據。”
記者貓接著繼續講。
“真係有咁重要咩
？”
“使乜講！”
“
咁，願聽其詳。”
“
有學者指出：
中產階層的興起使傳統兩頭大、中間小的「啞鈴形社會
」
（「M型社會」）轉化為現代兩頭小、中間大的「
橄欖形社會」。
「
啞鈴形社會」通常是不穩定的，充滿了動亂，
而「
橄欖形社會」則趨於穩定。
咁，你話係咪起咗一個指標性嘅作用呢？
” 記者貓一邊飲水一邊講。
“
咁又係嘅。不過有樣嘢都幾搞笑㗎，
財爺鬍鬚曾喺上年嘅記招會上話自己係「中產」喎，
搞到好多市民都唔明白，點解月薪過30萬嘅都算係「中產」。
原來佢指嘅其實係一種生活嘅態度，
認為「
喝咖啡、看法國電影」嘅生活方式就係「中產 」。 ”
精叻鼠攞住條真絲手帕一邊抹嘴一邊講
“
財爺嘅講法，係以自我嘅感覺嚟定義嘅。即使係自我感覺良好，
亦要有錢戰得㗎
。
早前有一項調查顯示，
多數市民認為必須要擁有200萬至800萬價值嘅物業，
同50萬至600萬港元嘅流動資產。加上月入3萬至6萬嘅水平，
才算得係中產，才會有真正嘅中產生活。
但目前香港大部分所謂嘅中產一族仍未達到依個水平。”
記者貓放低支水拍咗拍手講。
“
怪唔知得啦，有學者分析指出香港已經開始出現「M型社會」和
「
中產向下流 」嘅社會徵兆。
正如日本管理大師大前研一所提出嘅「M型社會
」
（「
啞鈴形」的社會 ）理論，就係指中產分化，向下同上分流，
形成社會貧富兩走極端。
因此，有越越多嘅香港中產人士因而著手移民。
去年上半年共有3900名香港人移民海外，比上年同期增加咗8%，
佢哋要放棄依塊只有拼博，而沒有未來嘅土地，
要洗去有名無實嘅香港中產階級嘅尷尬。”
精叻鼠接著記者貓嘅話題繼續講落去。
講下就冇所謂，依家外面「風大雨大」，
仲多咗個「伊拉克和黎凡特伊斯蘭國
(ISIL)
」添。
你話嘞，有邊度安全得過香港嘞……”
《關於“橄欖形”社會結構的論述》http://data.book.hexun.com.tw/chapter-1129-4-5.shtml
