9.3.-小說：霧裡看「花」 作者：布衣碩子
第三十七回「變幻原是永恆」之——
香港也是中華民族尋求民主政制的另一塊「試驗田」
“上周日（8.31）中國人大常委會終於拍板，
敲定咗二○一七年香港普選特首嘅框架，
正式拉開咗香港作為中華民族尋求民主政制嘅，
另一塊「試驗田」嘅序幕。你又點睇吖？”
記者貓拍著精叻鼠嘅膊頭對佢講。
“乜嘢叫「試驗田」吖？”精叻鼠不解地問。
“譬如，有啲品種以前未曾種過，依家搵塊地嚟試種，
依塊地咪就叫做「試驗田」嘍。台灣算係一塊，佢係喺大陸以外嘅。香港係另一塊，係喺大陸管治內嘅。”
記者貓好耐心咁著字著句解釋畀精叻鼠聽。
“哦！原來係咁。我都知道中國人大基於國家安全等因素嘅考慮，
為二○一七年嘅香港特首產生辦法訂立咗一套原則：
提名委員會嘅組成人數，必須按現時選舉委員會四大界別同等比例下，維持一千二百人不變；
提名嘅門檻係，
每位特首候選人應得到提委會「過半數」委員嘅支持；
數目為二至三人；
若特首普選辦法未能獲法定程序通過時，二O一七年嘅特首選舉辦法則會繼續沿用二O一二年嘅特首選舉辦法進行。
見：http://the-sun.on.cc/cnt/news/20140901/00407_008.html?pubdate=20140901
你估會點樣發展落去呢？”精叻鼠又問記者貓。
“根據最近一段時間我嘅觀察發現，市民中：
這邊廂認為，依一高門檻嘅選舉要求，就等同於將泛民人士拒諸於選舉門外，屬意投泛民人士做特首嘅合資格選民，定會感到失望。
這對於泛民陣營嘅人士嚟講，佢哋會表示根本不能接受咁樣嘅事實。
因為喺他們嘅眼中，這是一次有篩選嘅假普選。
那邊廂則認為，從現實可行嘅角度睇，若能在人大所訂定嘅框架下落實普選，那麼香港五百萬合資格嘅選民，
只要去登記成為選民就有資格一人一票選特首喇。
這是真實嘅一票，唔係虛擬嘅，
亦唔係嗰種票——民意調查中表達意見嘅那種票。
從整個大陸嘅發展歷史睇，這是一個歷史性嘅事件，具有劃時代嘅意義。亦就係講，喺中國大陸政府管轄嘅土地上，首次有人民以一人一票嘅方式選行政長官，這一轉變可以講係踏出咗歷史性嘅一步，係中國大陸歷史上嘅第一次。”
記者貓繼續向精叻鼠解釋。
“事實上，喺香港人當中還有為數唔少嘅一群——
我暫且叫佢哋做中間派，依啲人亦存在有各種唔同嘅睇法。
其中包括完全支持泛民觀點嘅；也有完全支持人大立場嘅；
但比例最大嘅仲係我稱作中間派嘅嗰啲香港人。
我曾經睇過幾種民意調查嘅結果，依啲中間派嘅立場亦好唔一致：
有的讚同人大立場，支持喺二○一七年實現一人一票選特首，但認為方案仍有不足之處；
也有的人認為，泛民不滿有篩選嘅方案係可以理解嘅，
但不應將有篩選嘅選舉講成係假普選。理由係，
其他民主國家也同樣有篩選。
例如，公民黨嘅湯家驊先生就係溫和嘅中間派。
佢講，溫和民主派已經無路行喇，香港社會嘅大部份人都係中間派，
要走嘅係溫和嘅路線，而唔係每天都喺度上街搞抗爭嘅激進路線。”
精叻鼠接著記者貓嘅話題繼續講。
“如此看來，二O一七年嘅特首選舉若不能向前一步，
就會「原地踏步」，因而回到二O一二；
而「袋住先」則提供了多一個空間，讓市民可以繼續去爭取落實，
最終真正嘅一人一票嘅普選。
由人大常委框架下訂定出來嘅普選方法縱使有不完美，
但是否要反對、是否要放棄？抑或「袋住先」？
有見識嘅香港人係你哋企出嚟發聲嘅時候喇！”
記者貓提高聲線插話道，樣子有啲似在演講。
“點解吖？”精叻鼠不解地問。
“咪就係因為，具有劃時代意義嘅一刻，
將由我哋香港人自己嚟譜寫嘍！
正如孫中山先生所言：我啲革命思想係喺香港得到啟蒙嘅。”
記者貓一邊講，一邊昂首挺胸，目視前方，
對未來充滿著無限的憧憬……
文獻資料：http://www.huanghuagang.org/hhgMagazine/issue33/page065_SunsMentor.html
