10.14.-小說：霧裡看「花」作者：布衣碩子
第五十九回 「變幻原是永恆」之——怨聲載道
“「戰中」集會進入了第十二日（28/9-9/10），令本港多區交通嚴重受阻，部份商戶生意大跌，攪到市民怨聲載道。兮……”
精叻鼠放低張報紙嗟嘆一聲。
“ 喂，咁大感觸收到好多料吖?” 記者貓搭著精叻鼠個膊頭問。
“ 係嘍，好似十多名灣仔區商戶咁，
噚日向區議會及民政事務專員求助。其中有位樓上食店老闆投訴：
過去約一星期嚟完全無生意，
估計「戰中」以來損失咗十多萬生意額。
仲有吖，駱克道有個地盤，裡面工程公司嘅經理講：
戰中影響交通，令建築材料無法送到，結果工人無工開，
卒之要解僱咗十多名工人，真係於心不忍。
你話嘞，係咪攪到啲打工仔冇啖好食吖！”
精叻鼠飲咗啖水又繼續講嘍噃：
“ 又有位店長（灣仔道某家細超市），話依牌生意足足少咗一半，
以前一日收入三萬幾蚊依家跌到一萬鬆啲。舖租二十萬，
有六名員工，業主又唔願減租，
「戰中」一日唔結束一日都喺度吊緊鹽水吖。”
“ 何止做生意吖，星斗市民一樣遭殃。呢，港島有位婆婆佢靠執紙皮為生，唔想申請綜援，晚年依然自食其力。
但「戰中」令佢冇曬收入，幾可憐吖！ 嗰種傷害程度呀，
比催淚煙仲厲害吖！簡直殺人於無形。”
記者貓接著精叻鼠嘅話題繼續講落去嘍噃：
“ 呢，今日報紙仲講吖，來自飲食業及旅遊業嘅兩家商戶昨天入稟小額錢債審裁處，控告「戰中」影響生意，
向「戰中三子」之一帶氏索償，四百五十元及二十三萬元，
案件將於下月二十六日審理。”
“ 我話吖，全香港市民真係要反思下戰得吖！”
精叻鼠大聲疾呼咁講。
“ 點解？”
“ 香港人嘅嗰份感恩、獅子山下精神，去咗邊度喇！
香港明明唔壞，卻要將佢破壞；明明係世界上最優良嘅警隊，
卻偏偏要話佢哋做得唔對。
你哋嘅良知去了哪裡，是不是畀魔鬼偷了去？
數十年嘅安寧歲月，幾十載嘅國際都會，卻畀你哋一朝摧毀！”
精叻鼠詩興大發。
“ 嘩，喺度作詩呀？” 記者貓接著精叻鼠嘅話題又繼續講落去：
“ 灣仔中西區工商業聯合會主席表示，
聯合會早前向灣仔區商戶派發問卷，了解戰中對生意嘅影響。
目前已回收了百多份問卷，大部份表示生意大受影響，
但確實嘅損失則有待計算。
他又申明，有三四戶由於損失巨大，現正準備通過法律途徑索償。”
“ 仲有網民發起咗「一人十蚊撐小商戶」嘅行動添噃，呼籲市民光顧受「戰中」影響嘅小商戶，盡量減少商戶嘅損失。
亦有網民製作「社區地圖」——「讓愛與和平擁抱社區」；
又製作咗旺角示威區內小商戶店舖的位置圖，
呼籲佔領區內的居民盡量幫襯小商戶，以減低小商戶嘅損失。”
“ 將東方之珠攪成咁……難道真要來它個「涅磐重生」不成？”
講完之後，跟著精叻鼠自己仲喺度諗……
小額錢債審裁處http://www.judiciary.gov.hk/tc/crt_services/pphlt/html/sc.htm
