10.21.-日記一則（一）（二O一四年十月初某天）：
新地正午手機響起，聲音裡另一半擔心地說：
「噚晚個仔去咗佔中，我講佢都唔聽，你再勸下佢啦。」
（囝囝是個年輕人，某大學社工係）
今天蜜糖水泡大的新一代，未知個「苦」字點寫。想說服佢都幾難，仲愈叫愈去添。
但今奉了聖旨，不能不做，況且直覺話畀我知佔中會出事，唯有苦口婆心，
動之以容暫且一試。
結果，電話一撥就通了：
「點呀！聽講你琴晚去咗……今晚會再去呀？要唔要我陪你一齊呀？一個人去唔好喎？」
「唔駛喇，我有好多同學喺一齊！」
「咁，你小心啲喎，咪企最前，有起事嚟要識得執生吖！」
「知啦！我唔會企喺前面。」
放下手機，伏案撰文之餘，眼睛不忘瞄著電視新聞台的現場直播，旁述難辨、吵聲入耳。
心情隨著聲浪的起伏而忐忑不安。
想當年，「八九六四」百萬市民齊上街，支聯會華叔帶領，
大家尚且能和平理性走在大街上，北京亂香港沒有亂。
看今朝，崇尚自由民主，坊間卻群雄無首。仲兼互聯網世代，
無論領導組織、行事方式抑或做事目的，已今時唔同往昔，實在令人嘆息。
十二點過後終於忍唔住，定下來睇電視。現場實況直播不停，旺角場面一清二楚。
看著人群同警察對峙，警察來了增援，手持警棍、防暴盾一字排開，
繼而胡椒噴霧……
一直看到凌晨，所幸的是不曾使用催淚彈。
期間，情況稍有波動時，就打電話了解最新情況，不斷提醒「安全第一」。
終於看到了香港大校長馬斐森的出現，耳聽旁白說：
香港大校長馬斐森正緊急呼籲，該校所有師生迅速離開集會現場，以確保自己的人生安全。
另一位醫科學院的院長也表示，暫時的離開不等於不堅持，信念是要用時間去堆砌的。
熒屏下方也同時打出了——天主教香港教區也緊急呼籲，
希望參與「佔中」學生和市民迅速離開現場。
終於也聽到了手機傳來的回話：「返緊屋企啦！」，這才放下心頭大石。
最後，電視主播還讀出了一段人民日報的「佔中」評論：
「在法治共識下推動香港未來發展」——「佔中」加劇了香港社會對立，
撕裂不同社會群體之間的共識，導致嚴重社會戾氣。
因此，「佔中」增加而不是減少了香港民主進程的困難，
阻礙而不是推動了香港民主的步伐。
內地和香港在普選問題上也許會存在認識的不同，但在基本法框架下，
這些不是民主與非民主之爭，而不過是對民主實現形式與落實方式理解的不同。
說到底，中央才是香港民主最有力的支持者。
係吖！香港在英殖時代又何曾有過民主呢？
