9.10.-小說：霧裡看「花」
作者：布衣碩子
第三十八回「變幻原是永恆」之——兩位前督爺的PK
話說，二O一七香港特首普選討論已進入直路，處於關鍵時刻。
就連兩位前督爺也出來吶喊坐陣。各位看官請看：
這邊廂，前首任特首董建華先生卸任九年後首次開記者召待會，表態支持人大為香港普選特首所訂立嘅框架。形容此舉係「貨真價實」嘅民主，但並非終極方案。
那邊廂，末代港督彭定康喺英國《金融時報》撰文指出，中國人大所訂定嘅選舉框架，
令香港特區出現新一輪嘅「政治痙攣」，勢必障礙民主派人士競選特首。
佢仲嘆惜：喺《中英聯合聲明》簽署30年後嘅今天，香港仍沒有一個公平嘅選舉制度。
嗰日，記者貓同精叻鼠又傾到咗依個話題嘍噃。
記者貓拍著精叻鼠嘅膊頭對佢講：“嗰日董建華開記者召待會我都在場。”
“有乜嘢最新消息講嚟聽聽？”精叻鼠回頭問。
“
董建華先生講：我哋正在進行，香港開埠以來170多年後最大嘅民主跨越。
我哋點可以選擇原地踏步，令我哋嘅民主進程到此為止？唔係吖嘛？
接著佢又講：由500萬選民一人一票選特首係實質性嘅民主，係貨真價實嘅民主。
我哋只能夠合作，攜手合作係唯一嘅出路，我哋嘅爭拗、內耗幾時先會停止呢？
人大嘅決定係比較保守，我理解泛民人士嘅失望同不滿，但今次並非終極安排，
日後仲可以變嘅。”記者貓又接著講：
“會上，佢仲呼籲泛民主派人士，不要只聚焦喺歷史洪流嘅其中一點上，要退一步看一看，
看未來看長遠，看一看香港喺中華民族歷史長河中嘅作用。
大家平心靜氣，求同存異，政改便不會停步。
”
“末代港督彭定康講啲乜嘢我知道。”精叻鼠口快快咁插話道。
“咁，講嚟聽下。”
記者貓望著精叻鼠講。
“肥彭佢講：中國人大就香港普選嘅決定，會令香港出現「政治痙攣」，
選舉嘅審核更與伊朗嘅無異。肥彭重申：作為前港督，
有必要提醒英國官員記著——對香港事務有道義上嘅責任。”
“你又知道得咁清楚？”
“使乜講！上網乜都搞得掂喇。”
“
醒目！今天世界烽煙四起，身處依個混沌世界之中嘅香港人，
又豈能置身度外吖？
您真係堪稱香港人嘅榜樣吖！”
