9.25.-小說：霧裡看「花」
作者：布衣碩子
第四十四回
「變幻原是永恆」之——罷課
“
嗰日，學人思朝派發單張號召中學生罷課一天，向人大常委會發炮，
嚟抗議佢所訂立嘅政改框架。
令到中學生罷課嘅話題，喺社會、家長方面引起咗熱烈嘅討論。”
精叻鼠同記者貓講。
“ 究竟「罷課」行動係咪於事有冇補呢？抑或又能唔能夠達到目的呢？
也許唔同嘅年代、唔同嘅時代背景，會有唔同嘅結果。”
記者貓接著精叻鼠嘅話題繼續講落去：
“例如，有位學者喺佢讀中學嘅時候，學校裡仲未有學生會，
於是一班志同道合嘅同學聚埋一齊，醞釀成立學生會，想幫啲學生爭取權益。
一天，終於有行動嘞，佢哋邀請咗校長直接對話。
當時（用今天的標準睇）校長是比較保守的，但同學生嘅對話仍是相當友善同客氣的。
校長表示並不贊成佢哋成立學生會，理由係學生應把寶貴的時間放到學習上。
記得當時大家作了溫和、理性的討論，雖未有任何共識，但仍知尊師重道的道理。
與校長會面後，幾個同學作了檢討，一致不贊成採取進一步的激烈抗爭行動，
認為只須持續地表達意見就可以了。或許用今天的準則看就是不夠激！
但按當時嘅環境考慮，覺得「水到渠成」嘅方法是最好的。
雖然想係想成立學生會，但仲唔係覺得有咁逼切，需要不惜一切去爭取不可。”
“講到罷課，我仲知道喺中國歷史上亦有過一次著名嘅罷課事件添，
就是一九一九年嘅「五四運動」嘞。
當時係第一次世界大戰剛結束，列強決定將已割讓給德國嘅中國遼東半島，轉手畀日本，
當時主政嘅係北洋政府，佢無力抵抗。令舉國上下沸騰，聲討政府喪權辱國。
仲高舉「外抗強權，內除國賊」的旗幟，舉國上下一齊罷工、罷市、罷課，
希望中華民族覺醒，希望國家能夠挺直腰幹，保衛民族權益。
但鑑於年代久遠，今天無民意調查記錄可考，不能確實知道當時的民意民情，
但不難估計支持罷課的定佔絕大多數。”
精叻鼠又接著話題繼續講落去：
“
再來看看今天香港的罷課，其中之一的發起者竟號召中學生26日站出來罷課一天，
估計參與嘅人會有一百個左右。佢哋嘅理由是：
抗議人大常委會早前就本港政改定出嘅框架。
其發言人稱，屆時會派發承諾書予響應罷課的中學生及其家長簽署，
承諾罷課期間會「罷課不罷學」，並願意接受校方處分及承擔測驗考試的分數損失。
仲表示，學生亦可選擇於放學後參加集會，以及喺學校內佩戴黃絲帶以示支持。”
“依啲咪就叫做「變幻原是永恆」嘍！睇下依三個唔同年代嘅「罷課」，
出咗三種唔同嘅版本，結果前兩個又好唔相同。
咁，你又猜唔猜到，今日香港嘅版本又會係點嘅結果呢？”
記者貓問精叻鼠。
“好可能係「瞎子點燈——白費蠟香」，最終得個「做」字，於事無補。
香港係一個自由社會，正所謂：自由港，自由講。
但是中學生和大學生有啲唔同，大學生想罷課無問題，但中學生始終都係未成年人，
應以學業為重。如果開咗個先例，蔓延落去……
今次，考驗香港社會「功力」嘅時候到喇！”
精叻鼠攞住條真絲手帕一邊抹嘴一邊講。
“咪，睇下會點……”
