9.27.-小說：霧裡看「花」
作者：布衣碩子
第四十四回
「變幻原是永恆」之——山窮水復疑無路
柳暗花明又一村
“
話說，人大常委會喺嗰日（8月31日）一錘定音，敲定了二○一七年普選特首的框架之後，香港嘅政情繼續插水，火藥味越濃。
這邊廂，有報章報導：繼，當日飯盟「飯盒會」議員，立即宣佈杯葛第二輪嘅政改諮詢；
13日學人思朝又派發單張號召中學生喺26日罷課一天；
14日戰領中環大行動又再次發起遊行，今次係「黑布遊行」。
那邊廂，副主任梁女士同一日（14日）喺一個電視節目放話：
人大就本港政改訂出的框架是不可以推翻的，框架要求特首候選人，
必須獲得過半數提委會成員的支持，原因是提委會是社會的縮影。
若特首候選人取得過半數委員的支持，就是說明候選人夠份量，值得向廣大香港市民推薦。佢仲指出，中央不是不信任香港人，如果唔係就唔會畀香港一人一票選特首了，
但唔希望特首當選人是中央不接受的，若等到政改第五部曲才去否決，將會引起憲制危機。
並解釋說，人大對普選特首所作的決定，雖然未能符合立法會各黨派的期望，
但民主是會不斷進步的，將來或可以降低特首候選人的提名門檻。
更有英文報紙嘅社論指出：假若政改是一次硬着陸（hard-landing），
而非軟着陸（soft-landing）的話，最後埋單的仲係香港人自己。”
記者貓正在撰稿，要報導近日香港的政情。
“
究竟香港嘅政情會點樣發展落去呢？事情又會唔會有轉機呢？”
佢問旁邊的精叻鼠。
“ 依個問題呀，如果我用「山窮水復疑無路
柳暗花明又一村」依對對聯嚟表達，
就最能夠說明問題喇。”
精叻鼠用條真絲手帕抹咗抹佢嘴角啲口水，然後繼續講：
“
點我會咁樣講呢？就係嗰日睇見報紙嘅報導，講有個叫成哥嘅人，
佢有樣學樣要向松哥學習「築福香港」，不過唔係派粥，
而係要辭去職高、薪厚、糧準嘅主席唔做，一於轉行。”
“ 咁唔做主席，要去做乜嘢吖？”
“ 做守門員！一於守著「一人一票選特首」嘅尾門！”
“ 哦！我知道你想講邊個喇。”
“
咪就係佢囖——「立法會主席曾鈺成指，若他投票才能通過政改方案，
他定會辭職投票」，唔係我作出嚟㗎，有報紙為證……
”
