「變幻原是永恆」之——「上環」「中環」「下環」

8.30.-小說：霧裡看「花」作者：布衣碩子
序
石矢森林下，
闲来采花姿。
酿成书一册，
朋友分享知 *。

 *——知识；知道；知人；知世；知俗；
知=之；姿=枝（一语双关）。

第三十六回「變幻原是永恆」之——「上環」「中環」「下環」

“ 嗰日，位於告士打道一百二十三號嘅舊灣仔警署（街坊稱之為二號差館），舉行了最後一次開放日暨警隊一百七十周年展覽活動，完成咗佢八十二年嘅保舍安民生涯。”

精叻鼠對記者貓講。

“咁你又知唔知，香港島只有「上環」同「中環」，又點解無「下環」嘅？ ”

記者貓接著精叻鼠嘅話題插話講。

“ 依個問題難唔到我嘅，我梗係知道喇！” 精叻鼠接著又講落去嘍噃：

“ 咪就係改咗叫做「灣仔」嘍。 香港開埠之初，灣仔依個地方原先係叫做「下環」嘅，

英國人好早就開發下環喇。後來由於「下環」身處一個小海灣上——「你去邊度吖？

去灣仔」……「去灣仔」日子一長，眾街坊慢慢就改口叫成灣仔嘞。

灣仔嘅第一間警署就係喺一八六八年興建嘅，當時嘅位置係喺依家嘅莊士敦道同灣仔道交界處，被稱為二號差館。後嚟因為灣仔大面積填海，令社區高速發展使得當時嘅二號差館不敷使用，故於一九三二年搬咗去告士打道一百二十三號，叫東區警署，

成為香港島東部嘅警察總部，後又再改名為灣仔警署。

灣仔喺三十年代啱啱完成填海工程，警署規模大了——喺海邊設有碼頭可以供水警輪、

消防船及其他船隻使用。另一方面警署亦增設有消防車場以及已婚同單身警員宿舍，

是一個多功能嘅建築群。

可惜，灣仔警署喺第二次世界大戰期間遭到日軍嘅猛烈炮轟，造成嚴重的破壞，

戰後才重新修建恢復使用直至今天。”精叻鼠一口氣講個不停。

“我都睇過有關資料，話戰後嘅灣仔區基建加快，發展迅速，三教九流亦隨之興旺蓬勃，

黃色架步同娛樂事業更令灣仔舉世聞名。

如蘇絲黃世界令外國人着迷，越戰高峰期不知有多少年輕美軍，趁魂斷越南戰場前喺度醉生夢死一番，盡情享受佢們的最後「晚餐」。

其中，有極盡豪華的夜總會，客人一擲千金為博紅顏一笑；

有啲夜總會仲刻意重金聘用英國人洗廁所。如此種種，令英國人尷尬嘅事情常有發生。

隨著香港嘅發展，商業活動由中環慢慢轉移到灣仔，唔少大型商廈以及展覽中心相繼落成。香港九七回歸慶典、二○○五年世貿會議等也曾在這裡舉行，使得灣仔區譽冠全球。”

記者貓接著精叻鼠嘅話題繼續講。

“ 你真係講得鬼死咁啱嘅啫。就係因為咁嘅原故，嗰陣時喺依度煉就咗唔少有名同出色嘅警察添，好幾任嘅警務處處長亦曾經喺依度做過指揮官。

由於灣仔區嘅大型活動頻繁需要警方緊密配合，因而鍛煉了警隊，孕育出不少警隊精英。

聽講，舊灣仔警署好快就要除下莊嚴的面紗，換上新裝，

搖身一變成為迎接來自世界各地遊客的旅遊景點囖。”

精叻鼠一邊攞住條真絲手帕抹嘴角一邊講……

“講起地理至知識嚟你就口若懸河、頭頭是道，我叫你做賽先生，個名真係一啲都無改錯吖！”記者貓拍咗拍精叻鼠膊頭講……