8.29.-生活裹的「辨證法」
作者：布衣碩子
唔怕唔識貨，就怕貨比貨。
日前，「未雪」事件被鬧的沸沸揚揚，港鐵成了出氣筒。
其實三十年來，港鐵一直保持著高水準嘅服務。
唔信？你去紐約、去倫敦睇睇，嗰度啲地鐵又舊又髒又亂（治安差)，
就知道香港地鐵有幾咁好，幾咁方便、舒適、快捷、安全喇。仲時時畀國際友人稱讚添。
例如，紐約有好幾個站點一直係有名嘅治安黑點——搶劫、火拼常有發生，
甚至有變態兇徒將唔相識嘅乘客推落路軌。
而港鐵順應民意，多年嚟
一直在加裝月台幕門，力求萬無一失。
至於信號偶有故障，就像人到中年一樣，有啲小修小補實在是在所難免。
奇怪嘅係，香港亦有唔少人移民或遊歷美國，住紐約的唐人街，
但卻從未聽見過有投訴紐約地鐵故障嘅事情發生。
難道是入鄉隨俗了，抑或係多一事不如少一事？
但回到了香港卻特別「激進」,非要刁難一下不可？
究竟為咗乜？
說穿了理由一字咁淺：
因為「投訴」唔係歐美社會嘅交通「文化」。列車故障，頂多延誤片刻唔會致命，
外國公司行嘅係信譽制度（HonourSystem）。
文明社會，無嗰種處處弄虛作假、一開口就講大話嘅習慣。
喺佢哋文化裡頭，你說因火車誤點所以遲到，老闆絕不會懷疑，亦唔會將你解僱。
正所謂：項莊舞劍，意在沛公。
香港人，真係要清醒清醒，唔好再無休止地瞎折騰喇！
