8.22.-小說：霧裡看「花」 作者：布衣碩子
第三十五回 「變幻原是永恆」之——中國的遊客
“ 嗰日朋友同我講：若然你身處瑞士高原湖畔，
躋身人群中等待看煙花。忽然，聽到播音喇叭裡宣佈：
「我們已經同中國達成協議，招待來自中國的遊客」。
接著，掌聲、口哨聲響徹整個高原上空，
依個時候你會有乜嘢感覺呢？
跟著佢又講：
原來那一刻佢嘅感覺係驚訝。佢嚟到瑞士依個偏遠山區，
此地連美歐遊客都罕至，卻還是避不開祖國同胞的影響力。
作為現場唯一黃皮膚的佢，此情此景，四周的瑞士白人的雀躍反應，同佢此時此刻嘅心情形成鮮明的對比，
相比之下卻是涇渭分明的兩個模樣。
瑞士人歡迎中國遊客，於是積極推介自己吸引遊人；
反觀我哋香港人卻對大陸遊客諸多抗拒，
極少數人仲搞起咗驅蝗遊行添。”
記者貓拍著精叻鼠嘅膊頭對佢講。
“ 係囖，香港今時今日嘅氣氛真係令人窒息，
社會有啲人仲數盡內地遊客的不是。傳媒數完又數：
一見到個「中」字，就會青筋爆現。
先係針對「雙非」孕婦掙床位；再係搶奶粉、佔學額；
仲有旺角出現了「撒尿小童」等等、等等。”
精叻鼠接著講
“但富起來嘅祖國同胞的確財大氣粗，
依家有邊個國家見到佢哋唔嗒曬糖吖？
例如，瑞士有邊度唔靚？
而瑞士高原CransMontana更絕——身處歐洲整個阿爾卑斯山區，
空氣質素（經科學家檢定）此處最好；
也是瑞士日照最多嘅地方，沿途葡萄園不斷，景色分外迷人。
仲有，懸崖旁嘅高爾夫球場，更使人有呼吸屏息之感——
眺望二百四十度雪山曠野佳景，球棍一揮，
小球兒直墜一千五百呎深谷。
山腳下係典型嘅瑞士村落，歌星CélineDion、鐵金剛羅渣摩亞、
影星蘇菲亞羅蘭，都不惜一擲千金喺依度買下度假屋；
吃的住的也不比香港貴；名牌商品訂價起碼比香港低一成，
出境時仲可以回扣百分之八嘅免稅額；
若逢意大利大衣減價，價錢仲只係香港零售價嘅三成；
若有心多買，省下來的錢就足夠旅費了。”
記者貓以佢嘅歐遊經歷大聲咁講。
“講得一啲都冇錯，歐洲咁好，中國嘅遊客又點會唔識貨吖？
去年就有六十五萬人到咗瑞士旅遊。
我估計高檔嘅內地客嚟香港，一定會越來越少喇……你信唔信？”
精叻鼠打賭咁講。
