8.13.-「疑心生暗鬼」？
“
上水有好多水客，尖沙咀又有好多遊客，都係不爭嘅事實，令我哋感覺擠迫。
究竟有幾多源自遊客？又有幾多係源自港人嘅呢？”有位學者以此為題做過研究。
結果發現：
香港每日約有30萬自由行旅客，係香港人口（固定+流動人口）嘅4%。
即係話香港人每遇到100個人，就有4個係遊客。
30萬也就同我哋嘅外籍傭工人數差唔多。但就算係外傭「盡露」嘅放假周日，
也沒有人會話外傭迫爆香港。
更何況大部分時間遊客都唔會同港人爭地用：
例如每天我哋有380萬人要上班，唔似周末咁會去shopping，
所以平日遊客使用嘅商場沒有造成問題；
平日我哋又有130萬學生要返學，而成人亦要上班，即係總共有500多萬人有事要做，
所以海洋公園同迪士尼樂園等旅遊設施，我們都唔會去用。
咁樣為乜嘢我哋仲覺得自由行過多呢？
原來原因係：
我哋唔太懂得分辨邊個係旅客，邊個係香港人。
讓我嚟分享一下我嘅一啲朋友嘅親身經驗——
我嘅司機阿標，佢梳咗個陸軍裝髮型，佢話佢時不時都會被人誤認為嚟「自由行」。
我有一啲眼睛細小嘅朋友亦講，時常會被誤認為係北方人。
協助我做研究嘅
tonny，佢媽媽最討厭就係好幾次去電器舖買嘢，店員都同佢講普通話
（仲要係唔鹹唔淡嗰隻），誤以為佢係嚟自由行嘅。
仲有我唔使返工嘅時候，亦喜歡穿中坑裝，所以亦曾多次被誤認為係大陸同胞。
仲有，喺依種神經極度緊張嘅氣氛下，當你拉著行李箱上街，
亦好大機會被誤以為係嚟自由行嘅
。
所以當人人都以為自由行過多，我哋嘅心理上自然就覺得「遊客影」踪踪嘞。
好多時候，我哋都將港人當「客」辦，見到嘅旅客自然而然就會以倍數增加嘞。
依啲咪就叫做「疑心生暗鬼」囖。
