8.26.-這就是政治之——政治的角力
近日美國公司在內地頻頻受挫，
最新一則消息報導蘋果公司十項產品被移出政府採購名單內。其中，包括iPad、iPadmini、MacBookAir和MacBookPro。
但戴爾同惠普嘅產品卻依然是採購對象。
依份採購名單嘅適用範圍包括咗所有中央部委同其他地方政府嘅部門。
表面睇嚟，蘋果產品同其他美國電腦產品唔同之處係價錢貴，同係一部手提電腦，
蘋果產品可以比其他外國產品貴成一倍，比國產貨甚至要貴三、四倍之多。
中國政府今天要厲行節約，先向貴價產品開刀，理所當然。
但再深入一層分析，就會發現買電腦產品仲另一個要注意嘅問題——安全問題。
喺發生咗斯諾登事件之後，世界各國政府都重視咗電腦安全問題，中國政府亦唔例外。
據悉，中央電視台最近就有報導蘋果嘅iPhone，通過其定位技術追蹤用戶多種資訊——
包括用戶嘅家庭住址、工作單位，甚至每天幾時幾點去邊度、停留時間幾長都一清二楚。
中央台嘅報道仲引用咗斯諾登所爆嘅料，指蘋果公司不單會將依啲資料轉售畀廣告商，
仲會轉畀美國嘅間諜機構。
係人都會諗到，政府部門嘅電腦每日要處理幾多國事，其中又會涉及幾多機密，
就係基於依個理由就大可以有大條道理唔買佢哋啲嘢。
上周又有報導，中國政府派出工商管理局人員針對微軟進行反壟斷調查；
與此同時仲爆出咗美國喺上海合營公司嘅「福喜事件」，
如此種種跡象睇嚟，中國係唔係要報复美國重返亞洲圍堵中國嘅戰略呢？
