9.16.-小說：霧裡看「花」
作者：布衣碩子
第四十二回
「變幻原是永恆」之——前閘與尾門
話說，自從7月15日香港行政長官向全國人大提交了關於
《香港特區2017年行政長官及2016年立法會產生辦法是否需要修改的報告》以後，
喺香港社會引起了頗多的猜測同爭論，其中就有過關於「加前閘好還是守尾門好」的論爭。
嗰日記者貓就以此為題，作了一次專題採訪：
（現場採訪實錄）
記者：先生，想請教一下：你對政改加前閘有乜嘢睇法吖？
先生甲：加前閘係咪就係所謂嘅高門檻選舉吖？
記者： 咁，如果唔係高門檻選舉又會有乜嘢好處同壞處呢？
先生甲：好處同壞處？好處就係唔加限制想點就點囖。
壞處吖？壞處就係成本高囖，仲兼
冇咁易行得通囖。
記者： 乜嘢叫做冇咁易行得通吖？
先生甲：冇咁易行得通？咪就係成本高囖。
你諗下嘞，如果整出十零二十個候選人嚟，
你話選舉嘅時間、人力、物力都幾噤計！仲有吖！最近出咗個「捐款門事件」添， 話有外國勢力干預香港嘅政改喎。唔知你信唔信吖？我就信嘞。
睇下烏克蘭咪就知道囖，佢係畀外國勢力分裂咗㗎
……
記者： 唔該曬！Thank
you!
記者： 依位先生，想請教一下：你對政改守尾門有乜嘢睇法吖？
先生乙：所謂嘅政改守尾門，咪就係中央政府任由香港人玩啲冇篩選嘅真普選嘍……
記者： 咁，有冇咁嘅可能呢？
先生乙：冇唔係冇嘅，不過香港人要好團結、好愛國戰得！但係，
依家香港嘅局勢咁，
冇可能囖！
記者： 唔該曬！多謝你先。
記者： 以上片段係喺
8月31日前，我本人肥囖蘇菲喺街上，作專題採訪嘅現場採訪實錄。
依家就請大家睇睇今天嘅真實結果又會係點嘅呢？
（畫面一轉，轉到李飛嘅記者招待會）
（旁白）
結果人大常委會喺周日（8月31日）一錘定音，敲定了二○一七年普選特首的框架。
一如較早前瘋傳嘅消息一樣，中央企硬以高門檻規定特首候選人資格，
即係話，用咗「加前閘」的策略。
中央果真以捍衞「國家安全」為由，為二○一七年的特首產生辦法定下了五項規定，
其中亦包括加設的三道「閘」門。
三道「閘」門包括：
提名委員會要按照原有選舉委員會的安排組成；
提委會投票產生出二至三名候選人
（每名候選人必須獲提委會半數以上委員的提名才能成為特首候選人）；
若《修正草案》未獲通過則仍按2012年的辦法走。
五項規定如下：1.
從2017年開始，香港可以普選特別行政長官；
2.
特首候選人人數2至3名，每名候選人必須獲提委會半數以上委員的提名，
普選出的特首由中央任命；
3.《香港特區2017年行政長官及2016年立法會產生辦法修正草案》
提交香港立法會得到三分之二議員通過、特首同意，再報全國人大批准；
4.
如《修正草案》未獲通過則仍按2012年的辦法走；
5.
2016年立法會產生辦法和表決程序不作修改。待特首普選後，立法會亦可實現普選。
