日記一則（二十一）

11.21.-日記一則（二十一）

主持中學家長座談會，談及如何與在學子女溝通嘅問題。

現場有位爸爸講佢同囝囝因「佔中」一事鬧翻天，有咗隔夜仇：

「阿囝最近經常夜歸，我問佢是否去咗佔中？為何唔事先同我商量？

佢竟然瞪大雙眼講：「係又點呀？你參加反佔中簽名運動，亦冇同我商量吖！」

我覺得佢無大無細真係無名火起，便教訓佢佔中運動如何損人不利己，

擔心佢被政客利用，成為鬥爭工具……點知我仲未講完，佢就連珠炮咁反駁我。

指我支持反佔中才是被政客利用，批評我太保守同迂腐，唔明白民主對香港發展嘅重要性。我唔想同佢拗，唯有唔睬佢，佢隔日竟然不再叫我早晨喎！」

兩父子誰是誰非？其實無論佔中或反佔中，都有可能被政客利用。

但從「動機」與「效果」嘅角度去睇就最說明問題喇：

「動機」與「效果」依兩樣嘢係互動嘅，唔係單單只憑意愿（出發點﹚就能夠決定結果嘅。
而係取決於，中間嘅一段過程﹙它係一個漸變嘅過程，亦就係從量變到質變嘅過程）

所做嘅工作（方法）正確與否嚟決定嘅。

就係講，係中間嘅依一段過程起了決定性作用。

即係喺從 「動機」﹙愿望﹚過渡到

「效果」﹙結果﹚嘅做法上，做得正確，咁樣就會有好結果；

反之，方法唔正確就一定唔會有好結果

（不正確——是指不符合自然規律，而不是人類自認為的「正確」）。”

親子溝通若只停留喺立場嘅宣示上，係沒有什麼意思的。立場背後嘅理據，

才是最值得互動交流的。

對於年輕人一啲非黑即白嘅見解，

父母若用教訓或批評嘅口脗說理，肯定不能達到管教的目的，

反而會令彼此之間漸行漸遠……