日記一則（十九）

 11.20.--日記一則（十九）

一餐晚飯，一檯朋友，又傾起咗「佔領」。
以前香港人食飯邊度會咁？

但依家，人都分成咗兩派。一派支持佔領，另一派則堅決反對。

依啲本來係個人嘅意願， 係件好理所當然嘅事，

因為長期以來依度一直奉行民主、自由、法治。但現在有啲朋友有咗個人定向之後，

仲要尋求別人認同。你尋求認同唔緊要，但唔好人家唔認同你就唔高興，仲要嘈起上嚟添。

一餐飯，有啲支持佔領，有啲反對佔領，講下講下就爭起上嚟，於是飯亦食得唔安樂。

可見整個社會政治上的不成熟，故此，就容易被政治操控。

亦分唔清方向，把握唔到分寸，結果不管你支持佔領定係反對佔領，

你的飯檯卻先畀政治佔領了。

這已成了香港最新的一種潮態，人們好像色盲似的非黑即白，

佔領或反佔領，勢成水火誓不兩立。彷彿覺得今天的香港人就只有兩種：

若不支持佔領的，就是反對佔領的。於是有啲頭腦發熱的人便總想叫人表態，

希望放眼望去全是同志者。

所以，食飯嘅時候，就有朋友試探著要我表態。

我同佢講，香港比大陸有福氣，唔使事事都要政治表態，又或者政治正確。

亦冇人可以勉強你認同我嘅睇法，更唔可以勉強人哋一定要按照別人的意願去做，

否則就會有嚴重後果。

生活喺今天的香港社會該是多麼幸福的一件事，我哋一定要珍惜自己的自由，

同時也尊重他人的自由才對。

如果唔係，恐怕十年二十年後，香港亦同今天的大陸差無幾囖！