9.25.-小說：霧裡看「花」 作者：布衣碩子
第五十回 「變幻原是永恆」之——弔詭的「地緣政治」
話說嗰日，精叻鼠有啲唔耐煩咁追問記者貓：
“ 究竟今時今日咁樣嘅環境，又係意味著乜嘢啫？你都仲未答我。”
（這邊廂，支持佔中運動嘅學生開始罷課（9.22.）；
那邊廂，習主席喺北京（9.22.）會見咗「香港工商專業界知名人士訪京團」。）
於是，記者貓就接著精叻鼠嘅話題繼續講落去嘍噃：
“ 要講，就要先從香港嘅歷史講起。十七年以前，
嗰陣時香港仲係英國嘅殖民地，
嗰陣時連英女王放個屁都要喊萬歲，邊度仲有民主可言吖！
一直要等到英國人知道，中國一定要喺1997年七月一號收番香港，
才在香港放棄精英主義，逐漸引入民主意識嚟啫......”
記者貓飲咗啖水又再繼續講落去：
“東西方一直以來都利用香港依個平台，作為東西方交流嘅場所。
不單只係喺物質方面、意識形態方面，
就連軍事、政治、經濟方面，以及打擊販毒、恐怖主義活動嘅情報，
也是利用香港依個平台嚟操作而獲得嘅。
睇睇斯諾登事件，咪就知道香港嘅位置有幾咁重要嘍。
仲有，「捐款門」事件亦係個很好嘅說明。”
“ 說明了什麼？ ”精叻鼠操著一口半鹹不淡的國語追問道。
“ 說明了「地緣政治」的弔詭。
以烏克蘭為例，佢就係因為「地緣政治」嘅原因而被解體嘅。”
記者貓放低個水罇講。
“ 係吖！蘇聯解體後，西方一直爭取收編烏克蘭，
以削弱俄羅斯嘅勢力。
十年前烏克蘭嘅橙色革命，就係由西方國家參與策劃的。”
精叻鼠插話道。
“今次佔領獨立廣場嘅運動，西方亦有插手。有事實為證——
例如歐盟曾因對烏克蘭事件處理不力而被美國官員用粗口辱罵，
事件被人錄音後曝光。
咁樣，烏克蘭喺大國嘅你爭我奪之下，
國內嘅各方政治勢力就必定成咗各大國嘅代理人。
理由係：開門七件事「柴米油鹽醬醋茶」樣樣都要錢。
你話點辦？唯有，有「奶」便是娘，幾大就幾大，燒賣就燒賣，
一於「民以食為天」！
咁樣，烏克蘭人民嘅切身利益，就只能依附喺，
嗰啲大國嘅代理人（傀儡）嘅身上了。
換言之，人民卻被大國「民主」了。”
記者貓接著講落去。
“ 你都仲未回答我個問題。” 精叻鼠顯得有啲唔耐煩。
“ 學生好大程度係畀人利用㗎……” 記者貓繼續補充說：
“ 有時候睇問題吖，仲要：睇睇前、睇睇後；
睇睇左、 睇睇右戰得㗎。”
“ 係嘞，揸車咪就係咁囖。” 精叻鼠插話道。
“ 呢，仲有一種人吖，佢哋睇嘢仲會從唔同嘅角度、唔同嘅廣度，
同埋唔同嘅深度去睇添噃。
例如從自己角度、從他人角度，又或者從國際層面、從歷史層面，
依種叫「宏觀視野」。
而只會睇著自己鼻哥尖嚟做人嘅人呢，就叫做「鼠目寸光」。
好多時吖，啲「精人」就係搵依種人埋手㗎嘞。”
“ 正所謂：「精人出口，笨人出手」吖嘛。 ”
倆個不約而同咁，一齊大聲講……
美外交官辱罵歐盟通話遭曝光 http://www.chinanews.com/gj/2014/02-07/5805556.shtml
