小說：霧裡看「花」作者：布衣碩子
第十九回「變幻原是永恆」之——只是貴族長者們的專利？
“
噚日，香港拍賣行一幅價值兩千多萬嘅名畫不翼而飛，據說係清潔工將佢當垃圾掉咗。”
“
係吖，我都聽講過：倫敦有兩幅四十年前被偷走嘅名畫，最近喺意大利西西里島嘅一個退休工人廚房裏尋獲，估價三千萬鎊。你估下依個屋主當年用咗幾多錢買番嚟？用咗二百幾蚊港紙咋！”
精叻鼠一邊攞出條真絲手帕抹嘴，一邊插話道。
“
正所謂，世間珍寶稀有，但有眼無珠的人卻係許多。擁有一幅價值連城嘅名畫，也要有修來的緣份啊。英國流行小說家JeffreyArcher出獄後推出的首部長篇小說《虛假印象》（FalseImpression）也以印象派名家梵高為懸疑的主線（小說家本身也是一位名畫收藏家，身邊藏有數幅梵高珍品，一世不愁吃和穿）。今天，法文的「鑑賞家」Connoisseur一詞，已經唔再係一個小眾名詞，而像Banker和Broker一樣，披上商業嘅外衣了。”
記者貓繼續講。
“係吖，
今天，喺一個政府債台高築、經濟不景嘅社會裡（但香港卻例外，真好彩！），投資保值，早已不局限於股票或房地產㗎喇。近年投資嘅市場就多咗個藝術品拍賣會，咁
樣喺股市、地產之外，又多咗個名畫珍品嘅投資遊戲嘞，佢每年為藝術品拍賣市場，帶來幾百億美元嘅營業額。依家，你隨便走入一個拍賣會睇睇，就會發現，有啲二三十歲嘅IT才俊，喺嗰度舉手競投又或者搜獵失落嘅奇珍異品。
這說明了什麼？
說明了這一代大學生，除了讀哈佛商學院之外，仲可以有另類選擇，就係將自己煉就成一部，關於西方美術史嘅人肉百科全書。咁樣，同樣可以出人頭地。”
精叻鼠一邊攞著條真絲手帕抹口水，一邊補充說。
“
可想而知，投資藝術品已非貴族長者們的專利了。”
肥籮蘇菲若有所思地說......
