想不到西方民主自由的結局，卻是大規模的「跨代盜竊」
！
話說，記者貓嘅團隊曾經以「點解歐美會債務纏身？」為題作調查。
結果發現：道理一字咁淺，正如大家都公認嘅一樣：「世上冇免費午餐」！
即係話，公共（政府），又或者私人以前「使大咗」（「碌爆卡」），所累積落嚟嘅債務，係咪始終都要有人清還先？
但過往幾年，全球各地——尤其係西方發達國家——正朝著「前人債、後人還」嘅（跨代盜竊cross-generational
theft）方向前行。
（但香港係個有責任心嘅福地，就容不下這種跨代盜竊了！）
喺西方嘅民主制度下，為滿足選民嘅即時要求
(
instant gratification )，政府嘅政策因而變得短視，結果要愈快見效愈好，因此就可以對長遠產生嘅副作用全然不顧。
例如美國政府就是如此——聯儲局喺金融海嘯之後，推出了一輪又一輪嘅量化寬鬆措施，目標全著眼於解決通脹、失業率、GDP等問題。
結果，歐、日也有樣學樣，亦全然不顧「誰來還債」的問題。
「金融海嘯」嘅根本，就係西方過去20年嚟
，因公共（政府）、私人嘅債務龐大而導致嘅金融泡沫爆破。要處理好這個經濟困局，最治本嘅方法就係：
將政府、私人嘅資產負債表還原
(
fix the balance sheet
)。來個，一代做事一代當，為自己嘅錯誤負上責任——將債務慢慢還清，還下一代一個乾淨、正常嘅財務報告。
點樣才可能做到？
方法之一，當然係要緊縮開支！但若要用緊縮嚟償還債務，社會消費必定疲弱，
經濟復甦定會變得緩慢。而短視，卻係人嘅本性，難以容忍用短期痛苦嚟換取長遠嘅好景。
嗰啲鼓吹量入為出嘅政客，必然受到攻擊，恐怕做唔夠一屆，便會被不耐煩嘅選民踢下台。
由此可見，西方制度現時最大嘅問題係：
喺民主自由嘅政治制度下，「選票」決定一切！
因而，唔將整個社會當成是自己的家！（因為一個正常嘅家庭，父母是不會不斷地借下巨債，讓子女代還的，也不會強迫子女上繳八成嘅收入作為父母的福利，更不會將家中嘅環境弄得烏煙瘴氣……但歐洲的政治制度，終究卻是如此）而只顧「跨代盜竊」——
先使下一代的錢！
今天喺西方，嬰兒潮嘅一代（戰後出生的一代）已步入了退休之齡，
再加上根深柢固、難以削減嘅龐大嘅福利開支，西方各國政府勢將陷入持續財困！
標準普爾指出：若現時各國嘅退休福利制度不變，至2050年時，發達國家嘅公共債務佔GDP比例的中位數，將由今天嘅60%劇增至2.2倍，比現在嘅希臘負債還要多！
面對未來如此巨大的債務、大幅加稅、經濟混亂的後果，誰來埋單？
當然係今天嘅80後，同佢哋生落嚟嘅下一代選民
(
unborn voters ) 喇！
今天歐洲嘅中坑選民們（嬰兒潮一代），仲有得享受佢哋優悠嘅退休生活、耗盡公共財政，然後「安心上路」。
但卻將財政「炸彈」留下，留給他們的子女同孫兒兩代人嚟承擔！
飛囖蘇菲到最後得出嘅結論係：
想不到，西方民主自由的結局，卻是大規模的「跨代盜竊」
！
“ 可喜的是，香港未來數十年嘅處境遠比西方嘅理想：
我們財政極度穩健，年年有2%至4%的盈餘，與西方8%至10%赤字成天淵之別；
我們尚沒有臃腫嘅福利體制，普羅市民大多仍相信自力更生、多勞多得嘅「香港精神」。
我們喺面對人口老化嘅問題上仲有更大嘅優勢，就係傳統嘅「家庭價值觀」。”
諗到依度，記者貓申了個懶腰，噓出了一口氣......
