民主BB之——弱國可有民主可言（一）

民主BB之——弱國可有民主可言（一）

今次，肥籮蘇菲將報導嘅主題一轉，轉到咗國際話題——
烏克蘭嘅局勢上：

亞努科維奇對佔領基輔獨立廣場嘅示威者，進行了武力清場，
令烏克蘭嘅局勢馬上急轉直下。
歐盟立刻表示要對烏克蘭制裁，美國則警告俄羅斯唔好插手。
反對派氣勢如虹，亞努科維奇只好妥協，接受佢哋提早大選嘅要求。

本來將問題交給全國人民投票嚟決定咪就幾好，既符合民主憲章，
也符合人民利益，又不至於社會分裂。
但反對派嫌太慢了等不了。

原因係，佢哋嘅勢力只喺首都基輔，同埋烏克蘭嘅西部。
而東部與南部，仲係親俄羅斯嘅支持總統亞努科維奇嘅勢力，
反對派冇把握喺大選中獲勝。

因此，佢哋利用自己喺基輔嘅優勢、喺議會嘅勢力，
一舉起義以議會嘅名義罷免總統，仲成立咗臨時政府添。
亞努科維奇馬上指責依種做法有違憲法，
聲言自己至今仍然是烏克蘭嘅合法總統。

今次，反對派起義嘅做法確係有啲問題。
點解？

按理而論，一般憲法只會讓總統喺某啲情況之下，解散議會重新再選，而甚少可以喺議會一級就罷免總統。
今次議會投票辯論嘅過程，同投票嘅結果，
就連西方通訊社，都冇作出報道，咁樣就不能不令人心裡有個問號了。

依家嘅問題係，烏克蘭東部和南部嘅地方民眾，都唔服今次議會嘅決定，有些地方嘅百姓仲上街示威，唔願意接受臨時政府嘅管治。

烏克蘭睇嚟會走向分裂（發稿時，克里米亞已通過公投，脫烏入俄了 ），

甚至造成內戰，人民有可能會喺兵荒馬亂之中度日。
從依個角度嚟睇，反對派今次鋌而走險嘅做法的確有違初衷，

因而造成國家嘅分裂亦未可知。

點解會有咁嘅事發生？且等明天再續。