也是香港真正的核心價值？
願對自己負責、願為家人付出——也是香港真正的核心價值！
「愛」本來就應該是無條件嘅付出，即俗語所講嘅「施不圖報」。
但現代社會不少人卻斤斤計較地把愛視為：我愛你多少，你就應愛我多少的等價交換。
筆者曾在閒談之間，聽朋友說唔想生兒育女，話：
「萬一生咗件叉燒，唔聽話、讀書差，怎麼辦」？
其實這也是冇膽去無條件付出嘅表現。
最真最深、最無條件的愛，莫過於父母對子女嘅愛。
正如「唇讀」5**狀元曾芷君同學，感謝她的父母付出嘅雙倍辛勞嚟幫佢遮風擋雨一樣。
佢不但沒有抱怨父母，而且更積極咁面對人生。
這感人的事蹟傳為佳話，就足以證明香港人嘅核心價值，依然係偉大的「愛」！
依種遍及香港每個家庭嘅子女對父母嘅愛，喺全球面對人口老化嘅今天，
無疑係香港嘅一大優勢。
佢相對於喺西方出現嘅，老一輩用選票優勢取得福利嘅跨代盜竊
(
cross-generational thef
t)嚟講，香港無疑係勝咗一籌！
有民間調查指出，高達85%港人會喺財政上支持雙親，也有近七成嘅人表示願意與父母同住；但同樣嘅問題若攞到外國去調查，
相信這兩個百分比都不會很高！
近日有人振臂高呼：「政府照顧老人生活是基本普世價值」。
然而，事實已告訴大家，其實喺歐美近幾十年才出現嘅未經歲月考驗嘅福利主義，
只是「A貨」。
反而，喺中國流傳咗上千年嘅傳統孝道、傳統嘅家庭價值觀，
才是我哋社會嘅真正核心價值——人生保障的依托、心靈的港灣。
大家不妨細想一下：
增加福利便要我們納更多嘅稅（「養政府」即又多了一筆行政費用），
然後再由政府養我哋啲父母親。其實就等於隔空打拳，反而令我們變得有心無力！
就如世人眼中嘅福利天堂北歐一樣，其每個家庭平均人口只有1.9人，
這說明了什麼？
咁樣就反映咗北歐人，唔係唔想「生叉燒」，就係唔想養父母又或者唔想同父母同住。
到頭嚟反而係少咗一份家庭溫暖，咁樣就真正喪失咗家庭跨代互愛嘅核心價值喇！
今天看來，這一以家庭為核心的中國傳統倫理道德，也可以作為解決西方窘境的一紙良方！
