小說：霧裡看「花」作者：布衣碩子
第二十回一「變幻原是永恆」之——「以不變應萬變
」
嗰日，記者貓對精叻鼠講：
“
有報道指出，最近三年嚟，十五至二十四歲年輕人的自殺率，急升咗十九個百分點。
有學者分析其原因後指出：
今天的青少年多擁有高學歷，卻要屈就低層嘅工作。由於未能放下身段去適應變化了的環境，因而產生了情緒壓力，更因不懂自救而導致了悲劇嘅發生。你又點睇吖？”
“
其實，青年嘅就業問題在香港並唔算嚴重。
譬如，現時全球大約就有七千五百萬名年輕人失業，單係歐洲就有二千六百萬人待業了。
講到美國同加拿大，亦有大量冇工作經驗嘅大學畢業生失業或錯配工作，當中更有博士學歷的，佢哋為了生活只好到快餐店去做兼職。
而香港嘅環境則不至於此，失業率只是三個百分點多啲，
相對於全球失業嘅問題只是小菜一碟而已。”
精叻鼠將佢嘅專才知識發揮到淋漓盡致。
“
依家問題嘅癥結，其實不在經濟不景所產生的後遺症上，而是傳統高等院校嘅訓練，
已追不上社會嘅需要喇。我哋再來睇睇社會嘅現實，事實上係高新科技奪去了大量嘅低增值職位，依種中產向下流嘅趨勢正是令，已是弱勢的大學畢業生嘅競爭力，變得雪上加霜。
對於香港嚟講，誰來做特首也絕對不能逆轉這一大時勢。”
“係嘞
，咁又點樣來解決吖？”精叻鼠想知道有乜辦法嚟解決。
“
解決嘅辦法是有的。
首先，今天的年輕人不能單靠投訴社會、投訴政府，就希望可以改變未來。
反而係，要重新反思：
例如怎樣才能放棄固化的事業發展模式，改用終身學習、
不斷成長的方式去開創自己嘅未來？也就是說，既不迷信高學歷
（因為只有高學歷而沒有相關經驗，是不能建立應有的，創新和處理實際問題能力的），
同時也不放棄不斷增值的機會。
所以，是不是可以考慮：先投入到社會工作後再去進修，目標不是要賺錢，
而是要增加實戰經驗，同時亦可以減輕修讀研究院學位的經濟負擔。
此外，仲要明白自己的興趣和長處，不去隨波逐流。
例如，不去趕時髦——潮流興資訊科技時，你就盲目去跟風投入嗰一行
（其實，酒店、物流、檢測等；甚至，地盤判頭等都有大量的工作機會）。
最重要的還是：
要努力去提升自己溝通、創新和實際工作嘅技能。
只有這樣，日後才會有足夠嘅籌碼，去選擇自己認為理想嘅事業。
這是一種「以不變應萬變」嘅「萬金油」政策，係永遠也不會過時嘅上上之策。”
“ 咁又事實噃。”
精叻鼠一邊攞出條真絲手帕抹嘴，一邊講......
