「變幻原是永恆」之——回鄉 （港澳研究必讀）
話說喺第三回，肥籮蘇菲對精叻鼠講：
“
賽先生（Science）你又唔使咁驚青，香港地係塊福地嚟嘅。仲兼，香港人有乜嘢世面未曾見過吖，一定逢兇化吉嘅，你同我定啲嚟。”之後，仲未有時間同佢解釋“為什麼？”，
趁今日得閒，就同佢接著講落去嘍噃：
我有個朋友嘅一對侄仔，聖誕節從加拿大返香港，探望他們住在話富村年老豁達嘅爺爺嫲嫲，也就是常提起的「回鄉探親」嘞。
但喺我嘅印象之中，回鄉——係人們提著，甚至擔著大包細包紅白藍膠袋，
洶湧走過羅湖橋嘅一幕
，
也是余光中老先生在《鄉愁》裡，描寫的一幕幕。
但時至今日，竟然是從加拿大回鄉來了。不但如此，還有回鄉打工嘅呢。
不是嗎？人稱「眾人開心果」嘅女兒，不就回鄉打工來了嗎？（雖然是掙錢買花戴）
正所謂，「人往高走，水往低流」又有甚麼出奇呢。
正如我哋啲父輩，大多都是從大陸嚟嘅一樣——
如剛剛魂歸故土嘅邵逸夫爵士，係從上海嚟嘅
;
香港首富李嘉誠係從廣東潮州嚟嘅；
一代天王巨星羅文係從廣州嚟嘅；等等，等等。
這是那些年的社情，是因為香港嘅自由度大，容易搵銀嘅緣故。
但，好似一九九七前後，對於回歸後嘅香港到底會變成點嘅樣子？
好多香港人都有過唔少嘅想像，故有「身份嘅認同」嘅苦惱
(
原因眾多
)，
從而掀起了移民潮。
後來有朋友同我講：身處他鄉嘅感覺，總有嗰種「龍牀唔似狗竇」嘅，
怪怪地嘅，講唔出嘅知味，結果後來又返番香港揾食了，
而且人數仲唔少添，睇一下娛樂圈你咪就知道嘍。
說真的，到了今時今日，香港不但沒有沉淪，反而財政儲備達到了史無前例的最高水平
（歐洲和美國卻搞唔掂，孭到周身債），
去年香港嘅百萬富翁有73萬，即係每8個成年人當中就有1位係富翁，創了歷史的新高。
“ 咁又係嘅。”聽到依度，精叻鼠一邊點頭，一邊用佢嗰條真絲手帕抹著嘴角，
一邊接著講：
“ 聽朋友講，喺紐約住啲人都會稱自己係「紐約人」添。
喺依一方面香港人恐怕要急起直追戰得喇，香港人一定要對自己有信心戰得......”
“
話時話嘞，真係有冇可能將依個「形而上」嘅問題嚟，量化呢？”
記者貓突發奇想地問。
“梗係有喇！”
精叻鼠諗都唔使諗就衝口而出。然後用佢嗰條真絲手帕一邊抹著嘴，
一邊繼續講落去嘍噃：
“依家成日講乜嘢「公民投票」，就係用依個方法咪就搞得掂囖。”
“係喎，開正你嗰瓣添，
賽先生！咁有乜嘢好橋講嚟聽下。”
記者貓半信半疑地問。
“
以「你對香港前途有信心」為題，嚟一次公投，「同意」或「不同意」咪就得囖。”
......
