「以其人之道，還自其人之身」？
正所謂「好事不出門，壞事傳千里」。
依個問題有啲難回答，唯有撇開小童唔講，學高局長所言：「法例不容許隨處便溺，見到會執法」；但「亂咁影人」得唔得？好似冇聽講過唔可以。雖然香港有私隱條例，名人家居生活，被記者用長鏡頭偷拍，分分鐘可以告發，因為那是違法；但公開場合「亂咁影人」，就未曾聽講過有乜嘢問題。
有朋友唔同意，堅持話係個人私穩嘅問題：「你影風景無人話你，但喺街頭你冇權隨便影我，要先問過我同意戰得。唔係，就係唔合法！」
點答？唯有用：「各處鄉村各處例，喺美國或觸犯法例，但喺香港則有自己嘅慣例。」嚟應對。點知，佢繼續又講：「你哋有啲人咪成日將「人權」掛喺嘴邊嘅，點解依家又唔講喇？」
今天，香港街頭時興他拍係事實。相對於潮流喜歡自拍嚟講，他拍當然係特意拍攝他人喇。自拍係個人喜好，唔關你乜嘢事。而他拍就唔同了，因為係涉及了他人的私隱，況且多在公眾場合，你我三唔識七，一句「你做乜嘢影我」，惹上官非就無為喇。
然而，港式他拍，有其特殊的社會心理因素，就係「睇唔過眼」。即路見唔順眼嘅事，先用手機拍下，再網上公開，大家一齊嚟討論。
正如，從「巴士阿叔」、「十四巴港女」、「洗衣街小巴開上行人路」，
到今天嘅「小童旺角街頭尿尿」，都係港式他拍的最好嘅例子。
如此這般，話又說回來，恕我杞人憂天。凡事都有兩面性，若人人都可以拍，
那麼，會否真的有一天，
當自己不慎坐錯了關愛座，又或者衝忙之間飛身亂過馬路的時候；
甚至喺巴士上瞌眼瞓流口水嗰個窘樣，都會有人睇唔過眼，先影低，然後放上網？
希望唔會？
真希望熱心嘅港人做事都有啲分寸，唔好「以其人之道，還自其人之身」，
「你做初一我做十五」、「以牙還牙，以眼還眼」，
