民主BB之——「民主」就是這樣傻（耍）的嗎？
肥籮蘇菲正在聚精會神咁睇緊手頭上嘅資料，睇下睇下，佢發現：
當奧巴馬知道，一旦美債違約，人民就會歸罪於共和黨。
於是，佢就一於企硬，堅決唔肯讓半步，決不讓共和黨撈到半點便宜。
結果，喺最後關頭，共和黨只好無條件「投降」，一啲油水都撈唔到，仲要俾國民唾罵。
今次，奧巴馬之所以能夠成功，就係因為佢善於討好民意，去遷就老百姓嗰種——
只顧眼前利益而置將來後果於不顧嘅，「顧得頭嚟腳反筋」嘅短視行為。
本來，國會要設債務上限，目的係要限制奧巴馬政府，咪再亂咁使錢。但奧巴馬政府卻成功咁引導輿論萬炮齊發，令唔準政府亂使錢嘅人（即共和黨）變成咗罪人。
仲有，為咗令政府可以繼續有錢使，於是奧巴馬就告訴美國人：
如果政府唔繼續使錢，經濟就會下滑，失業率就會上升。
所以大家一定要支持佢，放寬國債上限，
好讓政府借著先，使著先，使大咗亦唔係問題。
至於將來點樣還？
咁就唯有打富豪一族嘅主意喇，抽佢哋嘅稅重一啲咪就得嘍
（喺依個問題上無獨有偶，另一個被控民主國家日本，正要將銷售稅，
從5%增加到8%，以緩解財赤）。
日後會係乜嘢嘅環境？係下一任嘅事......
（“唔關我嘅事！”不過奧巴馬忍著口冇講）
殊不知，其結果好可能係：
要全體嘅美國國民共嘗苦果......之後，才恍然大悟，
才願意對現有嘅選舉制度進行檢討，來一個重新修正......
咁樣睇下睇下，肥籮蘇菲又悟出咗一個道理嚟——
作為香港人，真是要珍惜今天眼前嘅一切啊！
“ 依個，係唔係就叫做「物極必反」「否極泰來」呢？
亡羊補牢，未為晚也。”肥籮蘇菲喺度諗......
