人若浮萍
曾經聽朋友說過他的一段經歷：
那是二十五年前的事了。
當時身處美國佛羅里達州迪士尼樂園內度假的他，遊覽一整天後回到酒店休息。
忽然間，收到一個從電視機傳嚟嘅消息，轉身一看，眼前的畫面令人驚呆了，
於是像很多人一樣決定移民。
當時佢喺IBM香港分部工作，休假回港後，第一件事就係向老闆辭工，
點知老闆同佢講佢自己亦啱啱辭咗職。
於是，同年嘅七月佢們一家人乘機飛抵多倫多。
佢講，當天成班喺多倫多嘅舊同事仲一齊聚餐為佢洗塵添，
人數足足有三、四圍咁多（包括新、舊移民過去的）。
當時喺香港仲有啲公司為咗留住人才，奇招百出。如有啲電腦公司為員工提供澳洲護照，
以吸引佢哋繼續留喺香港工作。
當時嘅情形，可以講係大難臨頭一樣，個個人心惶惶人人自危。
點知十年過了，睇見國家改革開放、經濟騰飛、制度漸漸完善。
眼見內地嘅發展形勢大好，令人鼓舞。
喺咁樣嘅情況之下，包括佢在內嘅絕大部份人又回流返香港工作了。
筆者問佢：當時你拋棄了高職厚薪移民他鄉有冇後悔？佢講：
人若浮萍，
每個人都有盲點或身不由己的時候，唯有隨遇而安。
之不過幸運之神眷顧咗我，如果唔係移民我就唔會搞生意，
亦唔會擁有一家相對規模不算大嘅上市公司，亦唔會喺依個基礎上業務有多元嘅發展嘞。
可以說，沒有當天的危，也就不會有我今天的機了。
佢仲接著講：
作為一個普通小市民，實在無力左右國家的歷史進程，也沒有能力控制未來。
正如我們既不能阻擋歷史嘅巨輪轉動，也不能改變佢嘅方向一樣，
因為此乃非常人能力所能及也。
唯一可以做的，就是不讓巨輪輾過自己的身體，
又或者緊緊抓住巨輪，讓自己與巨輪一起轉得更高。
倘若真的擁有宏大的理想，想要改變巨輪轉動的方向的話，就要有被巨輪輾過的心裡準備。
因為當你用手擋住巨輪的時候，一不小心，就會被它輾得粉身碎骨......
你的父母、你的朋友......此時此刻的心情......又如何？
