1.21.-小說：霧裡看「花」 作者：布衣碩子
第一四四回 「變幻原是永恆」之——西方亡我之心不死
“ 網上有報導，威廉王子伉儷今年可能訪華。
英國國內輿論於是就發話嘞——
「既然不歡迎英國會議員訪港，威廉王子伉儷還需訪華」？”
記者貓對精叻鼠講。
“ 計我話吖，事件無阻兩國外交。
事實上，中國大陸正喺度努力製造同抓著，
相對有利嘅和平環境，不斷加速經濟建設嘅同時，
亦銳意改善人民生活，令經濟發展國力增強。
繼經濟過德超日之後，
今天已發展成為世界第二大經濟體嘞，緊隨美國之後。”
“ 話時話嘞，咁又代表咗乜嘢你又知唔知吖？”
“ 西方亡我之心不死嘍！”
“ 何以見得？”
“ 唔係咩？嗰日，美國民主黨參議員布朗發動，
喺參議院中國問題委員會上，
罕有咁跨黨派聯手提出《香港人權及民主法案》。
建議修訂自1992年訂立，至2007年終止嘅
《美國 ——香港政策法》。新法案如獲得通過，
將重新賦與美國會法律權力，可動用國會嘅人力財力，
重新檢視香港人權同民主嘅情況。
咁樣，美國日後就可以出師有名嘞。
即係話，繼《美國——台灣關係法》
可以隨時向北京施壓之外，依家手上又可能多一張牌嘞。”
精叻鼠停咗停又繼續講嘍噃：
“ 又好似嗰日，英國國會喺凌晨時分，辯論訪港團被拒入境一事。
外交事務委員會主席奧塔韋表示，中方做法不負責任。
本應由香港政府決定是否批准英國會議員入境才對，
但今次係由中國政府決定，質疑此做法有違一國兩制原則。
佢仲指，中方官員嘅做法，
畀佢嘅印象係《中英聯合聲明》已失效。
依邊中國外交部發言人華春瑩就講嘞：
《中英聯合聲明》
已清楚劃分兩國在香港回歸問題上的權利與義務，
所以英方今天對香港已無道義責任。
仲強調，英方少數人企圖提出道義責任，係混淆視聽。
中國駐英國大使劉曉明同時亦譴責，
英國下議院嘅緊急辯論，係干涉香港嘅內部事務。
此舉會發出錯誤嘅訊息，令人以為英國支持「雨傘『革命』」。”
“ 係吖！自四九年新中國成立以來，
西方世界一直都係喺度千方百計咁打壓北京政權㗎啦，
點知卻令到中國人遇強越強……”
http://www.msn.com/zh-hk/news/national/英國威廉王子伉儷明年可能訪華/vp-BBfwvok
《美國共和、民主兩黨國會議員罕有聯手》 http://hk.apple.nextmedia.com/news/art/20141115/18935966
