新的一天從這裡開始
三月嘅香港，空氣潮濕，寒意陣陣。
早上伴隨著港島有軌電車嘅叮噹聲，走入路邊一間茶餐廳，
叫一杯熱騰騰嘅「鴛鴦」或者「絲襪奶茶」，
再加上一份蛋治、一個菠蘿油，
又或者，一碗熱騰騰嘅火腿、煎蛋通心粉，
中環嘅上班一族，就咁樣，開始咗佢哋嘅新一天。
茶餐廳早已成為香港社會嘅一部分。
佢嘅面積，大嘅有幾百平方米，細嘅只係十幾平方米。
一入門嘅兩邊擺有厢座，中間放著圓枱，餐單就壓咗喺枱面嘅透明玻璃下面。
唔好睇佢面積唔大，但佢所賣嘅嘢，卻有幾十款之多，
而且，幾分鐘之內，便可送到你嘅面前。
茶餐廳嘅客人，主要係街坊熟客——
嗰邊情侶含情脈脈咁飲著凍檸茶、紅豆冰，喺嗰度絲絲細語；
依邊西裝骨骨嘅白領，拎著杯咖啡喺度評股論金；
銀發長者坐喺嗰度，一邊「一盅兩件」一邊睇電視，悠閒自得；
「古惑仔」坐喺一角，爭女講數怒目對視……
一間細細嘅茶餐廳，就好似香港社會嘅縮影。
茶餐廳嘅文化，起源於上世紀五、六十年代。
以前本地人中意「飲茶」，西方人中意咖啡。
於是，喺中西飲食文化嘅交融下，喺歲月嘅沉積下，
久而久之，大排檔、冰室就漸漸成咗「半唐番」嘅茶餐廳喇。
佢展示咗香港社會，多元、包容、開放、融合嘅特色。
依個香港文化不可少缺嘅元素，今日已變成咗香港文化嘅一部分了。
無論喺港島、九龍抑或新界，梗有一間喺你咗近。
新年伊始，謹恭祝各位：新春快樂，萬事如意！
