小说：雾里看「花」 作者：布衣硕子
序
石屎森林下，
闲来采花姿。
酿成书一册，
朋友分享知 *。
*——知识；知道；知人；知世；知俗；
知=之；姿=枝（一语双关）。
3.21.-第一五七回 「变幻原是永恒」之——存心自有天知
“ 嗰日，路过一间凉茶铺，佢门前挂咗一副对联系咁样写嘅：
制药虽无人见，存心自有天知。”
“ 系吖！喺第一三八回我都讲过啦：反正就系要，醒一醒！
知道一下乜嘢叫做「人在做，天在看。」
依个世界系有「报应」依回事㗎！”
“ 咁，人世间，系咪真系会有报应这回事呀？” 精叻鼠问。
“ 梗系有啦，《易经-坤文言》里面有句话：
「积善之家，必有余庆；积不善之家，必有余殃。」
就可以解答到依个问题嘞。
佢同西方人嘅「畏神」，以神为本嘅宗教信仰就好唔同。
中华民族本来就系「畏天」嘅民族，
今天整个华人社会都以人为本，
有自己一套完整嘅「华人」哲学体系。
喺华人社会里，神对人嘅「约束力」系相当有限嘅。”
“ 系呀，真系㗎？” 精叻鼠又问。
“ 仲有添噃，自从印度佛教强势传入大唐，喺中土大行其道之後。
佛教中嘅所谓业报轮回同地狱说，
与「积善之家，必有余庆；积不善之家，必有余殃。」
学说相结合之後，就成咗中华文化嘅一部分嘞。
当中佛教嘅地狱说，又逐渐将中华传统中嘅冥界王神丶泰山神，
以及道教嘅司命丶司禄等神融入其中。
因而就形成咗，以十殿阎王同十八层地狱，
为中心嘅中国式地狱说嘞。”
“ 咁，即系讲，真系有报应轮回依样嘢喽噃？”
“ 使乜讲！传统嘅中华文化系中华民族嘅灵魂，
可以用作思考丶解释丶表达人类生存同发展嘅许多本质问题。
其智慧之光可以穿透历史丶思想丶价值观，更可跨越时空，
历久常新，极俱生命力。
佢可以，
鉴成败（如《孙子兵法》）丶
看是非（如《增广适时贤文》）丶
论兴替（如《道德经》）……
但，人一旦将「灵魂」掉失，
便会变成「不忠不孝丶不仁不义」之物，
定会为世人所唾弃！”
“ 咁，咪就变成咗「过街老鼠」囖……”
精叻鼠口快快咁抢先讲。
《易经-坤文言》http://baike.baidu.com/link?url=Ug-SZBDmRGzKz9S3lZfy3kfXwh7w6SMf2ekbQMZiEOAO4skmmJvVbATcCgF0PVZeiDX4c4QZMjUMIkIqlXH9h_
