可憐天下父母心
話說，有位小學生，深夜十一點了才發現自己仲有功課未做完，於是佢告訴了媽媽。
你估母親嘅反應會係點樣？
她叫孩子不要做了，快上睡覺吧。
這時，孩子卻仍擔心明天會被老師訓斥，正猶豫之間，母親繼續說：
「依家唔使諗咁多，聽日老師知道咗，自然會有安排嘅。」
結果，第二天正如母親所料，中午來電了，老師告訴家長「貴子弟欠交功課」。
於是，母親將實情一五一十咁話咗俾老師知，並請求老師幫助。
老師嘅反應好正面，講會妥善處理嘅，叫母親放心。
放學了，小學生回家後立即向媽媽訴苦：「好慘啊！今日我被老師罰——罰唔准小息，要留喺班房度將欠交嘅功課做完。同學們都去咗操場玩啦，只剩低我一個。」
「 噢！如果係我，我亦會唔開心，最期待嘅小息時間都冇咗。下次你就要記住將要做嘅功課都抄齊嘍噃，咁就唔會怕被罰啦！」母親說。
母親心裡想：因為欠交功課，而失去了小息的時間，這「後果」對小學生來說是難忘的，也使小學生從小就明白到：違規是要承擔後果的，因而甘願受罰。
對於小學生來說，小息可是珍貴的快樂時光，他們很珍惜這時光。這樣的合理後果，正好合符小孩子現階段的心理承受能力，能讓小孩子經一事長一智。
因此，母親心裡感謝老師，感謝老師給小孩子一個合理的後果，讓佢日後更重視自己嘅學業。
眾位看官，下面仲有兩位家長係咁樣做嘅噃：
其中一位，她為咗讓孩子學會負責任，要求佢做到凌晨亦要佢將功課做完；
另一位家長則由於唔忍心小孩子捱眼，甘願做「槍手」，就幫佢將功課做完。
講到依度，眾位看官，你哋又點樣睇呢？
筆者之愚見係：
第一個唔係好辦法，會令小孩子睡眠不足，
上課時老師講書，佢就去搵「周公」。
更因冇留心聽書，而令課後作業有困難，需要更多嘅時間去完成，
久而久之造成咗惡性循環也不自知，手尾就長喇。
更何況深夜趕功課，精神狀況欠佳，做出來嘅功課常會錯漏百出，因而得不償失。
第二個辦法就更係後患無窮，孩子會誤以為做功課係父母嘅責任，自己就唔使做嘞；
更會誤以為欺騙老師都冇問題，日後就會有樣學樣，繼續前科乃至問同學嗱功課嚟抄添。
真係可憐天下父母心啊！
