何謂地緣政治？

何謂地緣政治？

有一種政治叫做地緣政治。

例如，烏克蘭就處地緣政治的漩渦之中，

它弔詭在烏克蘭所處嘅地理位置上。

我們不妨回顧一下烏克蘭命途坎坷嘅歷史（歷史是一面鏡子）：

喺十三世紀基輔羅斯 ( 烏克蘭前身 )曾為蒙古人所滅；

後來又遭日耳曼人以及土耳其人嘅入侵；
連立陶宛同波蘭都曾經做過烏克蘭嘅主人；

最後，喺第二次世界大戰後，烏克蘭被併入了蘇維埃社會主義共和國聯盟。

蘇聯解體後，烏克蘭才可重新立國，本應好好珍惜才是。
可惜，烏克蘭位於東西方交匯嘅要塞，成了兵家必爭之地，
今天睇嚟可能會再一次被大國所撕裂了。

蘇聯解體後，西方一直爭取收編烏克蘭，以削弱俄羅斯嘅勢力。
十年前烏克蘭嘅橙色革命，就係由西方國家參與策劃。
今次佔領獨立廣場嘅運動，西方亦有插手。例如歐盟曾因對烏克蘭事件處理不力而被美國官員用粗口辱罵，事件被人錄音後曝光。
相信，揭露此事的人，是要揭露歐美的確喺事件背後露了一手。

喺依個問題上，俄羅斯當然亦唔會袖手旁觀。
要知道俄羅斯嘅海軍，全靠烏克蘭喺黑海嘅基地出入地中海，
烏克蘭一旦親西方，就唔一定會俾俄羅斯繼續使用基地了。
所以俄羅斯喺依場角力中不容有失，而只有全力進取。

咁樣，烏克蘭喺大國嘅你爭我奪之下，國內嘅各方政治勢力就必定成為各大國嘅代理人
（理由係：開門七件事「柴米油鹽醬醋茶」樣樣都要錢。你話點辦？
唯有，有「奶」便是娘，幾大就幾大，燒賣就燒賣，一於「民以食為天」！）。

烏克蘭人民嘅切身利益，就只能依附喺，嗰啲大國嘅代理人（傀儡）嘅身上了。換言之，人民卻「被大國民主」了。

由此可見，民主對於烏克蘭人民嚟講，就像一紙到月球才能兌現嘅支票！

（ 弱國哪裡有民主可言！ ）......

正所謂：「弱國無外交」，真係一啲都冇錯啊！